Նորմալ է, թող պահանջեն. Աբրահամ Մանուկյանը՝ Ծառուկյանի վերադարձը պահանջելու մասին

ԲՀԿ խմբակցության պատգամավոր Աբրահամ Մանուկյանը, ում այս օրերին ԱԺ-ում չէինք հանդիպել, այսօր եկել էր խորհրդարան: Նա չէր ցանկանում պատասխանել լրագրողների հարցերին, բայց գլխավոր դատախազի և ռադիոյի և հեռուստատեսության ազգային հանձնաժողովի անդամի ընտրությունից հետո մի քանի հարցերի, այդուհանդերձ, կցկտուր պատասխանեց: Մանուկյանն ասաց, որ լրատվամիջոցներով է հետևել գլխավոր դատախազի թեկնածուի ելույթներին:

Հարցին`ինչո՞ւ հենց այսօր եկավ Ազգային ժողով, պատգամավորը պատասխանեց. «Ըտենց նպատակահարմար գտա, էլ ոչ մի հարցի չեմ պատասխանի»:

Բայց անդրադարձավ նաև Ծառուկյանի վերադարձի մասին` որոշ շրջանակների պահանջին: «Նորմալ է, թող պահանջեն»,- ասաց նա:

Նշենք, որ վերջին շրջանում լարվել են ԲՀԿ-ի եւ Աբրահամ Մանուկյանի հարաբերությունները: