ՊՆ բեռնատարի վթարի հետևանքով տուժած զինծառայողների վիճակը բավարար է

Այս պահին Կենտրոնական կլինիկական հոսպիտալում բուժում է ստանում օգոստոսի 15-ին Երևանի Հյուսիսային ավտոկայանի մոտակայքում տեղի ունեցած վթարի հետևանքով տուժած 6 զինծառայող. Yerkir.am-ին հայտնեց Կենտրոնական կլինիկական հոսպիտալի պետ Արամ Ասատուրյանը: Նրա խոսքով՝ բոլոր տուժածները գտնվում են հիվանդասենյակներում, նրանց վիճակը գնահատվում է բավարար:

Նշենք, որ վթարից հետևանքով հոսպիտալ էր տեղափոխվել 9 զինծառայող, իսկ 7 զինծառայող էլ` «Գրիգոր Լուսավորիչ» բժշկական կենտրոն: Հիշյալ հիվանդանոցում այս պահին բուժում է ստանում 2 զինծառայող:

Հիշեցնենք, որ վթարի հետևանքով կողաշրջվել էր ՊՆ-ին պատկանող Sadko մակնիշի ավտոմեքենան: