Տավուշում հակառակորդի կողմից վիրավորված երկու զինծառայողների վիճակը բավարար է

Սեպտեմբերի 1-ին Տավուշի մարզում տեղակայված մարտական հենակետերից մեկում հակառակորդի արձակած կրակոցներից վիրավորված Գոռ Գևորգյանի վիճակը բժիշկները գնահատում են բավարար: Այս մասին yerkir.am-ին հայտնեց Կենտրոնական զինվորական հոսպիտալի պետ Արամ Ասատուրյանը:

Հիշեցնենք, որ Գևորգյանը ստացել էր որովայնի թափանցիկ վիրավորում, վնասվածքներ կրծքավանդակի շրջանում, ստորին վերջույթների բազմաթիվ բեկորային վերքեր:

Բժիշկները Տավուշում վիրավորված մեկ այլ զինծառայողի՝ Գարիկ Լալայանի վիճակը նույնպես գնահատում են բավարար: Ասատուրյանի խոսքով՝ ներկայումս հոսպիտալում ծանր վիճակում գտնվող զինծառայող չկա:

Հիշեցնենք, որ հակառակորդի կրակահերթի հետեւանքով վիրավորված զինծառայողներին նախ տեղափոխել էին Բերդի հոսպիտալ, հետո՝ Երևան: