Նազարբաեւը Մոսկվային ու Անկարային հաշտվելու ճանապարհ է ցույց տալիս

Ղազախստանի նախագահ Նուրսուլթան Նազարբաեւը  հանդես է եկել առաջարկով` ստեղծել միասնական քննչական հանձնաժողով, որը կուսումնասիրի թուրքական զինուժի կողմից ռուսական ռազմական օդանավի խոցման հանգամանքերը: «Որքան էլ դժվար լինի`  պետք է միասնական հանձնաժողով ստեղծել, արագ հետաքննություն անել, որոշել մեղավորներին, պատժել եւ ընդունել սխալները, վերականգնել հարաբերությունները: Ես նման կոչ եմ անում Թուրքիայի եւ Ռուսաստանի մեր բարեկամներին»,- ասել է Նազարբաեւը` Ղազախստանի ժողովրդին ուղղված իր խոսքում:

Ի դեպ, Նազարբաեւը շեշտել է, որ ինքը մեծ աշխատանք է տարել` ռուս-թուրքական հարաբերությունների բարելավման ուղղությամբ` դեռ Թուրքիայի վարչապետ Դեմիրելի եւ ՌԴ նախագահ Ելցինի օրոք: