Չավուշօղլուն կմեկնի Բաքու՝ քննարկելու Ղարաբաղյան հարցը

Այսօր Թուրքիայի ԱԳ նախարար Մևլութ Չավուշօղլուն պաշտոնական այցով կմեկնի Ադրբեջան: Այդ մասին հայտարարություն է տարածել Թուրքիայի ԱԳ նախարարության պաշտոնական կայքը, որում նշվում է, որ այցի շրջանակներում Չավուշօղլուն կհանդիպի իր ադրբեջանցի պաշտոնակից Էլմար Մամեդյարովի հետ:

«Հանդիպման ընթացքում բազմակողմանիորեն քննարկվելու են երկկողմ հարաբերություններին, Լեռնային Ղարաբաղի հակամարտությանը, ինչպես նաև տարածաշրջանային և միջազգային զարգացումներին առնչվող խնդիրներ»,- ասվում է Թուրքիայի ԱԳՆ-ի հաղորդագրության մեջ:

Այցի շրջանակներում Չավուշօղլուն հանդիպումներ կունենա նաև Ադրբեջանի նախագահ Իլհամ Ալիևի, խորհրդարանի նախագահ Օքթայ Ասադի և վարչապետ Արթուր Ռեսիզադեի հետ: