Հակառակորդի կողմից վիրավորված` Կոթիի բնակիչներին տեղափոխել են Երևան

Yerkir.am-ի տեղեկություններով` անցած գիշեր Տավուշի սահմանամերձ Կոթի գյուղում հակառակորդի կողմից վիրավորված կինը՝ Ն.Պետրոսյանը, և նրա որդին՝ Ռ.Թումանյանը, Նոյեմբերյանի բժշկական կենտրոնից տեղափոխվել են Կենտրոնական կլինիկական հոսպիտալ:

Yerkir.am-ի հետ զրույցում հոսպիտալի պետ Արամ Ասատուրյանը հայտնեց, որ գյուղացիները բեկորային վնասվածքներ են ստացել, նրանց վիճակը բարելավվում է:

Հիշեցնենք, որ երեկ ՀՀ քննչական կոմիտեի Տավուշի մարզային քննչական վարչությունում հիշյալ դեպքի առթիվ հարուցվել է քրեական գործ:

Ներկա պահին Երևանի հոսպիտալում է նաև սեպտեմբերի 1-ին Տավուշում վիրավորված ժամկետային զինծառայող Գոռ Գևորգյանը: Նրա վիճակը շարունակում է մնալ կայուն ծանր, թեև, ըստ Ասատուրյանի, նույնպես բարելավվում է: