Կուսակցությու՞ն, ՀԿ՞, թե՞… Ազատության հրապարակում քննարկում են անելիքները

Ազատության հրապարակում էլեկտրաէներգիայի թանկացման դեմ պայքարող ցուցարարները քննարկում են իրենց հետագա անելիքները:  

«Մենք չենք նահանջել, չենք կոտրվել, ապօրինի գործողություն չենք կատարել: Մեր իրավունքների, ազատությունների, երկրի տերն ենք: Ոչ մի գործողություն չի կարող դադարեցնել այս իրականությունը:

Առաջարկություններ ներկայացնեք` փորձենք ինքնակազմակերպվել: Մի քանի տարբերակ կա` կամ շարունակում ենք նույն կերպով պայքարը` առանց կազմակերպչական խմբի, եւ լինում են մարդիկ, ովքեր բարձրաձայնելու են ձեր խոսքը, կամ  ձեւավորվում է հասարակական կազմակերպություն կամ ձեւավորվում է քաղաքական կուսակցություն: Ընտրելու ենք բոլորս միաիսն: Կցանականք այս հարցը քննարկվի»,- հայտարարեց ակտիվիստներից մեկը:

Ի դեպ, Ազատության հրապարակի տարածքում մեծաթիվ ոստիկանական ուժեր են կուտակված: