Կառավարությունը հարգեց Քըրք Քըրքորյանի հիշատակը

Այսօր կառավարության նիստից առաջ ՀՀ վարչապետ Հովիկ Աբրահամյանն իր ցավակցությունը հայտնեց մեծանուն հայ բարերար Քըրք Քըրքորյանի մահվան կապակցությամբ:

«Բոլորս ցավ ապրեցինք` լսելով Հայաստանի ազգային հերոս, հայ ժողովրդի մեծագույն զավակներից մեկի՝ Քըրք Քըրքորյանի մահվան բոթը: Մարդ, ով մեծ ներդրում ունի ՀՀ տնտեսության զարգացման, երկրում մեծ թվով ծրագրերի իրականացման գործում, բարերար, ով Հայաստանի համար ծանրագույն պահերին միշտ եղել է մեր ժողովրդի կողքին: Քըրք Քըրքորյանը ստեղծող, արարող հայի տեսակ էր, ով վայելում է ինչպես հայերի, այնպես էլ օտարերկրացիների հարգանքը: Մեր բոլորիս անունից ցավակցում ենք մեծ հայի ընտանիքին, հարազատներին»,- ասաց վարչապետը:

Կառավարության անդամները մեկ րոպե լռությամբ հարգեցին բարերարի հիշատակը: