Վատիկանը կոչ է արել հարգել միասեռականներին` նրանք «դրական կողմեր» ունեն

Վատիկանի Եպիսկոպոսների սինոդը կոչ է արել հարգել միասեռականներին և ոչ ավանդական զույգերին. հայտնում է РИА Новости-ն:

Ըստ սրբազանների՝ նման միությունները ունեն «դրական կողմեր»:

«Միասեռականները տաղանդավոր են լինում և արժանիքներ ունենում, որոնք կարող են առաջարկել  քրիստոնեական հանրությանը: Պատրա՞ստ ենք մենք ընդունել այդ մարդկանց և այդ հանրությունում նրանց համար տեղ երաշխավորել: Հաճախ նրանք եկեղեցի են գալիս՝  ցանկանալով այստեղ հյուրընկալ տուն տեսնել», - ասվում է Սինոդի նիստում ընդունված փաստաթղթում:

Ըստ եպիսկոպոսների՝ եկեղեցին պետք է մարտահրավեր նետի ինքն իրեն եւ միասեռականներին  «եղբայրական տարածք» առաջարկի՝ առանց ընտանիքի և ամուսնության հարցերում կաթոլիկական դոկտրինը խախտելու: