ՊՆ-ում ներկայացվել է ՀՀ-ում Իրանի նորանշանակ ռազմական կցորդը

ՀՀ պաշտպանության նախարար Սեյրան Օհանյանն այսօր արարողակարգային հանդիպում է ունեցել Հայաստանի Հանրապետությունում Իրանի Իսլամական Հանրապետության արտակարգ և լիազոր դեսպան Մոհամմադ Ռեիսի, ՀՀ-ում ռազմական կցորդի դիվանագիտական առաքելությունն ավարտած գնդապետ Համիդ Ռեզա Միրզայի և նորանշանակ ռազմական կցորդ, գնդապետ Սեյեդ Հոսեյն Վահիդի Շեյխի հետ:

Դեսպան Ռեիսին ՀՀ պաշտպանության նախարարին ներկայացրել է նորանշանակ ռազմական կցորդին: Հանդիպման ընթացքում կողմերը քննարկել են հայ-իրանական բազմակողմ համագործակցությանը վերաբերող, երկկողմ հետաքրքրություն ներկայացնող, ինչպես նաև տարածաշրջանային խնդիրներին ու հակամարտությունների կարգավորմանն առնչվող հարցեր:

Հանդիպման ավարտին ՀՀ պաշտպանության նախարարը գնդապետ Համիդ Ռեզա Միրզայիին շնորհակալություն է հայտնել կողմերի պաշտպանական գերատեսչությունների համագործակցության զարգացմանը նպաստելու համար, իսկ նորանշանակ ռազմական կցորդին հաջողություն է մաղթել մեր երկրում իր հետագա ծառայությունն իրականացնելու ընթացքում:

ՀՀ պաշտպանության նախարարության մամուլի ծառայություն