ՌԴ-ում ներգաղթյալներին ռուսերեն կսովորեցնեն հենց շինհրապարակներում

Մոսկվայում ներգաղթյալներին ռուսաց լեզու և ռուսական մշակույթի հիմքեր կսովորեցնեն հենց աշխատանքային վայրերում: Այդ մասին Известия-ի հետ զրույցում ասել է  ՌԴ Դաշնային միգրացիոն ծառայության մայրաքաղաքային վարչության ազգային համայնքների հետ աշխատանքի գծով բաժնի ղեկավար Տատյանա Դմիտրիևան:

«Ներկայումս անցկացվում է մոնիթորինգ՝ պարզելու համար, թե որտեղ նման անհրաժեշտություն կա: Դա կարող են լինել արդյունաբերական և շինարարական օբյեկտներ և այլն»,- պատմել է Դմիտրիևան:

Նա նշել է նաև, որ համապատասխան մասնագետներին վարձատրելու խնդիրը պետք է իրենց վրա վերցնեն գործատուները, որոնք հետաքրքրված են այն բանում, որ իրենց աշխատողները վարժ ռուսերենի տիրապետեն: