Շոտլանդիայում ավելանում է անկախություն ցանկացողների թիվը

Բրիտանական The Guardian-ը տեղեկացնում է, որ Շոտլանդիայում անկախության մասին հանրաքվեից հինգ ամիս առաջ աճում է երկրամասը անկախ հռչակելու կողմնակիցների թիվը:

Ըստ բնակչության վերջին հարցման տվյալների՝ Մեծ Բրիտանիայի կազմում մնալ ցանկացող շոտլանդացիների թիվը նվազել է չորս տոկոսով, իսկ անկախության կողմնակիցների թիվն օր օրի ավելանում է:

Այնուամենայնիվ, շոտլանդացիների մեծամասնությունը դեռեւս ցանկանում է մնալ Մեծ Բրիտանիայի կազմում:

Եթե այսօր տեղի ունենար շոտլանդական անկախության հանրաքվեն, ինչին, ի դեպ, Լոնդոնը տվել է իր համաձայնությունը, ապա Շոտլանդիայի անկախությանն «այո» կասեր բնակչության 48%-ը, իսկ Մեծ Բրիտանիայի կազմում մնալու օգտին կքվեարկեր շոտլանդացիների 52%-ը: