Մոսոյի սպանության գործով քննիչը հերքում է ԱԻՆ-ին

Զովունի-Քանաքեռավան տանող ճանապարհին շարունակվում են Կայարանցի Թևոսիկի եղբոր` Արթուր Սաֆարյանի սպանությունը կատարելու մեջ կասկածվող Մովսես Ներսիսյանի (Մոսո) դիակի որոնողական աշխատանքները: Այս մասին yerkir.am-ին հայտնեց գործով քննիչներից մեկը: Նա նշեց, որ ամեն օր էլ որոնողական աշխատանքներ են կատարվում: «Այսօր դեռ աշխատանքները չենք սկսել, բայց շուտով կսկսենք»,- ասաց նա:

Նշենք, որ երեկ ՀՀ ԱԻՆ ՓԾ տնօրենի տեղակալ, գեներալ մայոր Նիկոլայ Գրիգորյանը «Փաստինֆոյի» հետ զրույցում նշել էր, թե  փետրվարի 21-ից հետո ԱԻՆ փրկարար ծառայությունն այլևս որոնողական աշխատանքներ չի իրականացրել, քանի որ ոստիկանությունից այդ օրերի ընթացքում նման առաջադրանք չեն ստացել: