Այսօր Գյումրիում կմեկնարկի ″Ռուսական ֆիլմերի օրեր″ ծրագիրը

Այսօր Բորիս Խլեբնիկովի «Քանի դեռ գիշերը չի բաժանել մեզ» ֆիլմով կմեկնարկի «Ոսկե ծիրանի» շրջանակներում անցկացվող «Ռուսական ֆիլմերի օրեր» ծրագիրը:

Ծրագրի շրջանակներում կցուցադրվի նաեւ 2012-2013թթ. նկարահանված հինգ ֆիլմ` «Դաշտային մարիների երկնային կանայք» (ռեժ. Ալեքսանդր Ֆեդորչենկո), «Կողքիդ կլինեմ» (ռեժ. Պավել Ռումինով), «Ինտիմ մասեր» (ռեժ. Նատաշա Մերկուլովա, Ալեքսեյ Չուպով), «Արքայադստեր պատերազմը» (ռեժ. Վլադիմիր Ալենիկով), «Մայորը» (ռեժ. Յուրի Բիկով) ֆիլմերը:

Ծրագրի բացումը տեղի կունենա Գյումրու «Հոկտեմբեր» կինոթատրոնում: Ֆիլմերը նույնպես կցուցադրվեն Գյումրիում` «Գյումրին ԱՊՀ մշակութային մայրաքաղաք» ծրագրի շրջանակներում: