"Առավոտ"-ը հերքում է հետաքննող լրագրողների մասին իր հրապարակած տեղեկատվությունը

«Առավոտ» օրաթերթի հունիսի 29-ի համարում հրապարակված «100 հազար դոլար՝ Տիգրան Սարգսյանի դեմ» լուրը չի համապատասխանել «Առավոտի» մասնագիտական և էթիկական վարքականոնի այն դրույթին, ըստ որի՝ «Առավոտի» լրագրողները ձգտում են ապահովել նյութերի ճշգրտությունն ու բազմակողմանիությունը, բոլոր հնարավորություններն օգտագործել՝ տեղեկատվությունը առնվազն երկու աղբյուրից ճշտելու համար»,- այսպիսի հերքմամբ է հանդես գալիս «Առավոտը»:

Եվ որ առավել ցավալին է, գրում է թերթը, այդ լուրի հասցեատեր կարող են թյուրիմացաբար ընկալվել «Հետաքննող լրագրողներ» կազմակերպության մեր գործընկերները: «Առավոտը» ափսոսանք է հայտնում տեղի ունեցածի համար` նշելով, որ կազմակերպչական հետևություններն արված են, վարքականոնը խախտողները պատժված են: