Թուրքական կառավարությունը հետ չի կանգնում Գեզի այգին վերացնելու մտքից

Թուրքական կառավարությունը մտադիր է շարունակել ստամբուլյան Թաքսիմ հրապարակի վերակառուցումը. այսօր Թունիսում լրագրողներին ասել է Թուրքիայի վարչապետ Ռեջեփ Թայիփ Էրդողանը: Ըստ նրա` երկրում բողոքները սադրել են` օգտագործելով բնապահպանների խաղաղ ցույցը. տեղեկացնում է ИТАР-ТАСС-ը:

«Նրանց թվում ահաբեկչությունների մասնակիցներ են: Ինչպես գիտեք, ավելի վաղ հարձակում էր եղել Անկարայում ԱՄՆ դեսպանատան վրա: Դա իրականացնողներից են»,- հայտարարել է Էրդողանը:

«Մենք կկառուցենք արվեստի հիասքանչ գործ, որը հպարտություն կներշնչի: Իսկ Աթաթուրքի կենտրոնի փոխարեն կկառուցենք օպերայի մեծ շենք, եւ քաղաքի կենտրոնն ավելի գեղեցիկ կլինի»,- հավելել է նա: