Ասանժը հրաժարվել է համագործակցել Wikileaks-ի մասին ֆիլմ նկարահանողների հետ

Wikileaks կայքի հիմնադիր Ջուլիան Ասանժը հրաժարվել է համագործակցել ամերիկացի ռեժիսոր Ալեքս Գիբնի հետ, որը վավերագրական ֆիլմ է նկարահանում սկանդալային կայքի մասին. տեղեկացնում է Интерфакс-ը: Ասանժի կարծիքով` ֆիլմը, որը էկրան է բարձրանալու հունիսին, փաստացի սխալներ է պարունակում:

Ներկա պահին Wikileaks-ի հիմնադիրը Լոնդոնում Էկվադորի դեսպանատանն է: Բրիտանական իշխանությունները հրաժարվում են նրան բաց թողնել երկրից` դա մեկնաբանելով նրան Շվեդիային արտահանձնելու անհրաժեշտությամբ, որտեղ Ասանժին մեղադրում են սեռական բնույթի հանցագործություն կատարելու մեջ: Ավելին` հենց Ասանժը դուրս գա դեսպանատան շենքից, նրանք խոստանում են ձերբակալել: