Ֆիլմ, ֆիլմ, ֆիլմ...

«Gaudeamus» ուսանողական կինոփառատոնն այսօր Երեւանի թատրոնի եւ կինոյի պետական ինստիտուտում էր «հյուրընկալվել»: Կինոփառատոնն իր առջեւ փորձի փոխանակման ու կինոարվեստի մեջ նորը բացահայտելու նպատակ է դրել:

«Ոսկե ծիրան» կինոփառատոնի գլխավոր տնօրեն Հարություն Խաչատրյանը տեղեկացրեց, որ փառատոնի շրջանակներում կազմակերպվելու են հանդիպումներ փառատոնի մասնակից հանրահայտ կինոգործիչների եւ ինստիտուտի ուսանողների միջեւ:

«Ցուցադրվելու են նաեւ «Ոսկե ծիրան» կինոփառատոնի արխիվի լավագույն ֆիլմերը»,-  ասաց նա:

Ի դեպ, ցուցադրություններից հետո ուսանողներին հնարավորություն է ընձեռվելու քննարկել դիտած ֆիլմերը կինոգետների, կինոքննադատների, կինոգործիչների հետ: Ֆիլմերի կցուցադրվեն շաբաթական մեկ անգամ՝ մինչև ուսումնական տարվա վերջը: