Ադրբեջանի ընդդիմադիր ուժերը միավորվել են

Մայիսի 28-ի ուշ երեկոյան` ինտենսիվ խորհրդակցություններից հետո, Ադրբեջանի առաջատար ընդդիմադիր ուժերը ստեղծել են Ազգային խորհուրդ. տեղեկացնում է Turan գործակալությունը:

Խորհրդակցությունների արդյունքում համաձայնեցվել է Ազգային խորհրդի հիմնադիր հռչակագիրը եւ խորհրդի կազմը. դրանում ընդգրկվել են 100-ից ավելի քաղաքական գործիչներ, քաղաքացիական հասարակության ակտիվիստներ եւ մտավորականության ներկայացուցիչներ: Մոտ օրերս տեղի կունենա ԱԽ-ի առաջին ժողովը:

Ազգային խորհրդի նպատակը առաջիկա նախագահական ընտրություններում` 2013-ի հոկտեմբերին, ընդդիմադիր ուժերի ջանքերի համախմբումն է եւ երկրի քաղաքական համակարգի բարեփոխումը: