Չտոնեցի խփածս գոլը` հարգանքից ելնելով. Ռոնալդու

Մադրիդի «Ռեալ»-ի պորտուգալացի կիսապաշտպան Կրիշտիանու Ռոնալդուն խոսել է Չեմպիոնների լիգայի 1/8 եզրափակչի` «Մանչեսթեր Յունայթեդի» հետ հանդիպման և իր` խփած գնդակը չտոնելու մասին:

«Կարծում եմ մենք դեռ պահպանում ենք հաղթանակի շանսերը: Դրա համար ուղղակի պետք է մրցակցի դաշտում գոլ խփել: Անկախ այն բանից, թե ինչ արդյունք կգրանցվեր այս խաղում, Մանչեսթերում մենք խաղալու ենք միայն հաղթանակի համար:

Ինչ վերաբերում է գոլը չտոնելուն` ասեմ. Ես երկար տարիներ խաղացել եմ «Ման Յունայթեդ»-ում: Նրանց շատ բաներում եմ պարտական: Ես չտոնեցի գոլը հարգանքից ելնելով: Բոլորը գիտեն թե ինչ սիրով ու հարգանքով եմ վերաբերում ակումբին և երկրպագուներին»,- պորտուգալացու խոսքերն է մեջբերում Marca-ն: