Ասանժը սենատոր ընտրվելու դիմում է ներկայացրել

Աղմկահարույց Wikileaks կայքի հիմնադիր Ջուլիան Ասանժը որոշել է այս տարվա սեպտեմբերին մասնակցել ավստրալական Սենատի ընտրություններին: Այսօր «Wikileaks-ի աջակցության ավստրալական քաղաքացիական միություն» կազմակերպության ներկայացուցիչը հայտարարել է, որ երեկ Վիկտորիա նահանգի ընտրական հանձնաժողովը ստացել է Ասանժի դիմումը` որպես թեկնածու գրանցվելու վերաբերյալ. տեղեկացնում է  ИТАР-ТАСС-ը:

Կազմակերպության ներկայացուցիչը նաեւ տեղեկացրել է, որ մոտ ժամանակներս  քննարկվելու է Wikileaks կուսակցություն Ավստրալիայում գրանցելու հարցը: Դրա համար անհրաժեշտ է, որ այդ կուսակցության շարքերն անցնելու պատրաստակամություն հայտնի ամենաքիչը 500 մարդ: