Մրցաշրջանը ցանկանում եմ սկսել մաժորային նոտայով. Արոնյան

Լևոն Արոնյանը Հոլանդիայի Վեյկ Ան Զեե քաղաքում մեկնարկող Tata Steel Chess սուպերմրցաշարի բացման արարողությունից և վիճակահանությունից հետո ասել է, որ «Վեյկ Ան Զեեն» հատուկ մրցաշար է իր համար և, որ ցանկանում է մրցաշրջանը սկսել մաժորային նոտայով: 

«Ամեն տարի ես այստեղ ձգտում եմ ցուցադրել իմ լավագույն խաղը: Երջանիկ կլինեմ կրկնել անցած տարվա արդյունքը: Ես չեմ մտածում վարկանիշային միավորների մասին, ես ձգտում եմ ցուցադրել իմ ամբողջ կարողությունը»,- ասել է Արոնյանը:

Հայ գրոսմայտերը նախորդ մրցաշրջանում այս մրցաշարի հաղթողն է եղել: Իսկ ՖԻԴԵ-ի վարկանիշային աղյուսակի  առաջին համար Մագնուս Կարլսենը նշել է, որ շատ դժվար է լինելու հաղթել Tata Steel Chess-ը, ինչպես անցած տարի, երբ հաղթեց Արոնյանին: