Իվանիշվիլին ընդդեմ Սահակաշվիլիի

Գործարար Բիձինա Իվանիշվիլին հայց է ներկայացնելու Վրաստանի նախագահ Միխեիլ Սահակաշվիլիի դեմ. տեղեկացնում է apsny.ge-ն:

Գործարարի փաստաբանը հայտարարել է, որ հայցը մշակման փուլում է եւ մոտ օրերս ներկայացվելու է Թբիլիսիի քաղաքային դատարան: Հայցով պահանջվելու է չեղյալ հայտարարել Իվանիշվիլիին եւ նրա կնոջը քաղաքացիությունից զրկելու որոշումը:

Փաստաբանը հայտարարել է, որ վրացական արդարադատությանը չի վստահում, այդ պատճառով հայցն ուղարկվելու է նաեւ Եվրադատարան: Նրա խոսքերով` այսօր արդեն սկսվել է նաեւ Իվանիշվիլիի կողմից ռուսաստանյան քաղաքացիությունից հրաժարվելու գործընթացը:

Իվանիշվիլին պատրաստվում է քաղաքական կուսակցություն ստեղծել եւ հավակնում է երկրի նախագահի պաշտոնին: