Բրեյվիկի ագարակում թալանել են ոստիկաններին

Նորվեգիայի ոստիկանությունը հետաքննում է Անդերս Բերինգ Բրեյվիկի ագարակից իրենց իսկ սարքավորումներով կոնտեյներների գողության փաստը:

Անցյալ գիշեր ագարակի տարածքից անհետացել են ոստիկանության փորձագետների սարքավորումները: Ոստիկանությունը հայտարարել է, որ դեպքի վայրում հայտնաբերվել են ոտնահետքեր, նաեւ մատնահետքեր` կոնտեյների վրա. տեղեկացնում է mignews.com-ը:

«Ոչ մի սարսափելի բան չի պատահել: Խոսքը պաշտպանական մի քանի միջոցների` ակնոցի եւ նման բաների մասին է»,- լրագրողներին հայտնել է ոստիկանության մամուլի քարտուղարը: Նա նաեւ հայտարարել է, որ ագարակից, որը հուլիսի 22-ի ողբերգական դեպքերից հետո շուրջօրյա հսկողության տակ է, այլեւս ոչինչ չի գողացվել: