Տուվալուն ճանաչել է Աբխազիայի անկախությունը

Աբխազիան դիվանագիտական հարաբերություններ է հաստատել ՄԱԿ-ի անդամ, Պոլինեզիայի կղզիներում գտնվող Տուվալու պետության հետ:

ИТАР-ТАСС -ին Աբխազիայի ԱԳՆ-ում հայտնել են, որ այդ մասին համատեղ հայտարարությունը դեռեւս սեպտեմբերի 18-ին Սուխումում ստորագրել են Աբխազիայի վարչապետ Սերգեյ Շամբսն եւ Տուվալուի վարչապետ Վիլլի Տելավին:

Սերգեյ Շամբան վստահ է, որ, չնայած երկու երկրներին բաժանող մեծ հեռավորությանը, շփվելու, մշակութային կապեր հաստատելու հնարավորություն մշտապես կլինի: «Մենք բարձր ենք գնահատում այդ բարեկամական քայլը: Դա հեշտ որոշում չէ: Մենք դա լավ ենք հասկանում ու գնահատում: Շատ ազդեցիկ ուժեր խոչընդոտում են Աբխազիայի միջազգային ճանաչմանը»,- ընդգծել է վարչապետը: