ԼՂՀ նախագահը շնորհավորել է Հարավային Օսիայի ժողովրդին

Արցախի Հանրապետության նախագահ Բակո Սահակյանն այսօր շնորհավորական ուղերձ է հղել Հարավային Օսիայի Հանրապետության նախագահ Էդուարդ Կոկոյտիին:

Ինչպես տեղեկացնում է ԼՂՀ նախագահի աշխատակազմի տեղեկատվության գլխավոր վարչությունը, ԼՂՀ ժողովրդի, իշխանությունների եւ իր անունից շնորհավորելով նախագահին եւ Հարավային Օսիայի ժողովրդին նշանակալի իրադարձության` Հանրապետության օրվա կապակցությամբ, Բակո Սահակյանը նշել է, որ անկախության տարիների ընթացքում Հարավային Օսիան շատ բանի է հասել` կարողացել է հաղթահարել պատերազմի ծանր հետեւանքները, հասնել միջազգային ճանաչման եւ կանգնել շարունակական զարգացման ուղու վրա:

«Վստահ եմ, որ եղբայրական Հարավային Օսիան կունենա պայծառ ապագա: Անկոտրում կամքը, անսպառ հայրենասիրությունը եւ պետականաշինության անգնահատելի փորձը հանդիսանում են դրա հուսալի հիմքը»,- նշվում է ուղերձում։