ԱՄՆ-ը զգուշացնում է նոր ահաբեկչության մասին

ԱՄՆ-ը նախազգուշացրել է Հյուսիսային Աֆրիկայի նավթային ընկերություններին «Ալ Քաիդա»-ի հնարավոր հարձակումների մասին։
Ենթադրվում է, որ ընկերությունների գրասենյակների եւ օդանավերի ուղղությամբ հարձակումներ գործելու նպատակով գրոհայիններն օգտագործելու են ձեռքի հրթիռային կայաններ. հաղորդում է BBC-ն:

Այս տեղեկատվությունը հայտնել են Ալժիրում ԱՄՆ դեսպանատնից: Ամերիկայի իշխանությունները հայտարարել են, որ համապատասխան միջոցներ կձեռնարկեն Լիբիայի նախկին առաջնորդ Մուամար Կադաֆիի բանակի թողած զենքի պաշարները պահպանելու համար:  Մասնավորապես` խոսքը վերաբերում է MANPADs անունով հայտնի ձեռքի հրթիռներին, որոնց թիվը հասնում է հազարների: Այս զինատեսակը վերջին տասնամյակների ընթացքում հաճախ է օգտագործվել հակամարտությունների ժամանակ, ինչպեսեւ ահաբեկչական խմբերի կողմից։