Կադաֆին պատրաստ է հանձնել իշխանությունը

Մուամար Կադաֆին պատրաստ է իշխանական լիազորությունները հանձնելու մասին բանակցություններ սկսել: Երեկ այս մասին հայտարարել է նրա պաշտոնական ներկայացուցիչ Իբրահիմ Մուսան. տեղեկացնում է ИТАР-ТАСС-ը: Նա նաեւ հայտնել է, որ բանակցությունները վարելու է գնդապետի Սաադի որդին:

Ի դեպ, Կադաֆիի գտնվելու վայրը մնում է անհայտ: Ըստ Իբրահիմ Մուսայի` նա Լիբիայում է:

Ապստամբները մերժել են բանակցությունները վարելու եւ անցումային կառավարություն ստեղծելու առաջարկը: Անցումային ազգային խորհրդի տնտեսական եւ ֆինանսական հարցերով քարտուղար Ալի Թարխունին հայտարարել է, որ բանակցությունների միակ թեման կարող է լինել Կադաֆիի կապիտուլյացիան եւ կամավոր հանձնվելը ապստամբներին: