"Զրո հանդուրժողականություն" փողոցային անկարգությունների մասնակիցների նկատմամբ

Մեծ Բրիտանիայի իշխանությունները խստացրել են փողոցային հանցագործության նկատմամբ պայքարը. Sunday Telegraph-ին տված հարցազրույցում վարչապետ Դեւիդ Քեմերոնը խոստացել է ամերիկյան տիպի` այսպես կոչված` «զրո հանդուրժողականություն» ծրագիրը կիրառել փողոցային անկարգությունների մասնակիցների եւ դիակապտողների նկատմամբ:

«Զրո հանդուրժողականություն» մարտավարությունը նախատեսում է խիստ պատիժներ նույնիսկ ամենաչնչին իրավախախտումների համար, ինչը փողոցային ավազակախմբերին ցույց է տալու, որ կառավարությունը մտադիր չէ աչք փակել նրանց գործողությունների վրա:

Ներկայումս Լոնդոնի փողոցներում պարեկություն է իրականացնում 16 հազար ոստիկան` օգոստոսի 6-ից սկսված փողոցային անկարգությունների ժամանակ գործող 6 հազարի փոխարեն, ձերբակալված է ավելի քան 2000 մարդ: