Green Card-ի խաղարկությունը հավանորեն դադարեցվի

ԱՄՆ իշխանությունները հավանորեն դադարեցնեն Green Card` մուտքի վիզաներ ստանալու վիճակախաղի անցկացումը: Այդ մասին օրինագիծը չորեքշաբթի օրը քննարկման է ներկայացրել ԱՄՆ Կոնգրեսի իրավական հանձնաժողովը:

Ինչպես հաղորդում է Associated Press-ը, հանրապետականների մեծ մասը կողմ է նախագծին: Նրանք իրենց դիրքորոշումը պատճառաբանում են այսպես. վիճակախաղը բաց հրավեր է հանցագործներին եւ ահաբեկիչներին, նրանք կարող են օգտվել դրանից եւ ազգային անվտանգությանը մեծ վնասներ հասցնել:

Իսկ դեմոկրատների կարծիքով` վիճակախաղի դադարեցման հետեւանքով աֆրիկյան երկրներից անօրինական միգրանտների թիվը կավելանա:

Նշենք, որ Green Card վիճակախաղը գործում է 1995 թվականից: Դրա նպատակը զարգացող երկրներից օրինական միգրանտների թիվն ավելացնելն է: