30 տարում` ՁԻԱՀ-ի 30 միլիոն զոհ

30 տարի առաջ` հունիսի 5-ին, մարդկությունն առաջին անգամ լսեց ՁԻԱՀ հիվանդության մասին, որի առաջին դեպքը գրանցվեց ԱՄՆ Կալիֆոռնիա նահանգում:

Վիճակագրությունը ցույց է տալիս, որ, այդ օրից սկսած, երկրագնդում այդ հիվանդությունից մահացել է 30 միլիոն մարդ:

Ներկայումս ՁԻԱՀ-ի տարածման միտումներ են նկատվում Արեւելյան Եվրոպայում եւ Կենտրոնական Ասիայում: Հայաստանը նույնպես այդ վտանգավոր գոտում է: Առողջապահական ոլորտի մասնագետները հիշատակում են հատկապես ԱՊՀ տարածաշրջանի հինգ երկրների իրավիճակը, որտեղ վարակակիրների թիվը վերջին շրջանում ավելացել է ավելի քան 25 տոկոսով: Այդ երկրներն են` Հայաստանը, Վրաստանը, Ղազախստանը, Ղրղզստանը եւ Տաջիկստանը: