Պետք է պատասխան տան խաղաղ ցուցարարների դեմ զենք օգտագործելու համար

Միջազգային հանրությունը եւ ՄԱԿ-ը պետք է միջամտեն Սիրիայի դեպքերին եւ դադարեցնեն բռնությունը. ասվում է Human Rights Watch միջազգային իրավապաշտպան կազմակերպության հայտարարության մեջ։

«ԱՄՆ-ը եւ Եվրամիությունը պետք է պատժամիջոցներ կիրառեն Սիրիայի իշխանությունների նկատմամբ, որոնք պատասխանատվություն են կրում խաղաղ ցուցարարների դեմ զենք օգտագործելու, կամայական ձերբակալությունների եւ հարյուրավոր ցուցարարների տանջանքների համար։ Բացի այդ` ԱՄՆ-ը եւ Եվրամիությունը պետք է շտապ հրավիրեն ՄԱԿ-ի Անվտանգության խորհրդի նիստ՝ երկրում լարված իրադրությունը եւ ապրիլի 22-ի կրակոցները քննարկելու համար»,- ասվում է հայտարարության մեջ։

Ըստ որոշ տեղեկությունների` իշխանության հրամանով Սիրիայի մի շարք քաղաքներում ոստիկանությունը կրակ է բացել խաղաղ ցուցարարների վրա, միայն ապրիլի 12-ին զոհվել է 112 մարդ,  ապրիլի 23-ին` 12 մարդ, այսօր՝ նախնական տվյալներով, 5 մարդ։

ՄԱԿ-ի գլխավոր քարտուղար Պան Գի Մունը, ԱՄՆ նախագահ Բարաք Օբաման և Եվրախորհրդարանի նախագահ Եժի Բուզեկը քննադատել են Սիրիայի իշխանությունների գործողությունները և կոչ արել դադարեցնել բռնությունը խաղաղ ցուցարարների նկատմամբ։