Եգիպտոսը Գերմանիայից պահանջում է Նեֆերտիտիի կիսանդրին

Եգիպտոսի իշխանությունները պաշտոնապես պահանջել են Գերմանիայից վերադարձնել Նեֆերտիտիի կիսանդրին, հաղորդում է Bloomberg-ը: Համապատասխան հարցումով նամակը պրուսական մշակութային հիմնադրամի ղեկավարին է ուղարկել Եգիպտոսի հնությունների բարձրագույն խորհրդի գլխավոր քարտուղար Զախի Հավասը:

80 տարուց ավելի է` Եգիպտոսը փորձում է վերադարձնել սույն արտեֆակտը: Կիսանդրին 1912 թվին հայտնաբերել էր գերմանացի հնէաբան Լյուդվիգ Բորհարդը: Համարվում է, որ կիսանդրին Եգիպտոսից դուրս է բերվել խաբեությամբ. Բորհարդն իբր մոլորության մեջ է գցել տեղացի տեսուչին` այն նկարագրելով որպես աննշան մի գտածո:

1935-ին Գերմանիայի իշխանությունները համաձայնեցին վերադարձնել նշանավոր կիսանդրին, սակայն Ադոլֆ Հիտլերը չեղյալ համարեց այդ որոշումը: