Բախումներ Եգիպտոսում

Ոստիկանի կրակահերթից Եգիպտոսի Մինյա քաղաքում սպանվել է մի քրիստոնյա:

Կարհիրե-Ասվան գնացքում մի մահմեդական ոստիկանի կրակահերթից մի ղպտի ուղեւոր է զոհվել, եւս հինգը վիրավորվել են: Միջադեպից հետո Մինյա քաղաքում ղպտի ցուցարարների եւ ոստիկանության միջեւ բախում է տեղի ունեցել:

Եգիպտական հեռուստաընկերությունների տվյալներով` հիվանդանոցի մոտ հավաքված հարյուրավոր ցուցարարներ քարերով ու փայտերով հարձակվել են ոստիկանների վրա:

Բախումների հետեւանքով երեք մարդ թեթեւ վնասվածքներ են ստացել, իսկ ցույցը ցրելու համար ոստիկանները արցունքաբեր գազ են գործածել:

Որոշ քրիստոնյա առաջնորդներ հանդարտվելու կոչ են արել, սակայն քաղաքում լարվածությունը դեռ շարունակվում են: