Ով է լինելու Երեւանի գլխավոր ճարտարապետը

«Երեւանի գլխավոր ճարտարապետ Սամվել Դանիելյանը աշխատանքից ազատվել է իր դիմումի համաձայն»,- ԵՐԿԻՐ-ի թղթակցի հետ հեռախոսազրույցում ասաց Երեւանի քաղաքապետի մամլո խոսնակ Շուշան Սարդարյանը` հաստատելով Երեւանի գլխավոր ճարտարապետի պաշտոնանկության մասին լուրը: Ինչ վերաբերում է նոր նշանակմանը, ապա նրա փոխանցմամբ, «դա իրավական ընթացակարգ է ենթադրում եւ բխում է «Համայնքային ծառայության մասին» օրենքի պահանջներից, այսինքն` քանի որ գլխավոր ճարտարապետի պաշտոնը համայնքային ծառայողի պաշտոն է, ապա ժամանակավոր թափուր պաշտոն առաջանալու դեպքում նույն օրենքի համաձայն` այդ պաշտոնը կարող է զբաղեցնել համայնքային ծառայության կադրերի ռեզերվում գտնվող համապատասխան պահանջները բավարարող անձը: Քանի որ այս կադրերի ռեզերվը վարում է ՀՀ տարածքային կառավարման նախարաությունը, ապա քաղաքապետարանը դիմել է վերջինիս:

Ըստ գործող կարգի` միայն 7 աշխատանքային օրից հայտնի կլինի նոր գլխավոր ճարտարապետի անունը: