Ջրհեղեղից տուժածները նախագահի տանն են մնալու

Վենեսուելայի նախագահ Ուգո Չավեսն այսօր ասելէ, որ հորդառատ անձրևների պատճառով անտուն մնացած տասնյակ վենեսուելացիք կարող են մնալ նախագահական պալատում, մինչև կառավարությունը նրանց համար նոր տներ գտնի:

Չավեսը նաև անձամբ այցելել է արևմտյան Կարակասում գտնվող Անտիմանոյի ետնախորշը, որտեղ կոչ է արել մարդկանց լքել իրենց տները՝ որպեսզի խուսափեն ավելի հորդառատ անձրևների հնարավոր ռիսկերից:

«Նրանք ինձ ասացին, որ դուք չէիք ցանկանում հեռանալ քանի դեռ Չավեսը չէր եկել: Դե, ես այստեղ եմ»,- ասել է նա բնակիչներին:

Մոտ 5000 հոգի կորցրել են իրենց տները: Չավեսի հրամանով բոլոր նրանց, ովքեր բարձր ռիսկային շրջաններում են գտնվել, տեղափոխել են կառավարության ապաստարաններ՝ մինչև անձրևները դադարեն:

Պաշտոնյաների հավասստմամբ տարածաշրջանի թաց սեզոնի հորդառատ անձրևներն այս տարի սովարկանից երկար են տևում: