Վաշինգտոնն ի վիճակի չէ բացել Հորմուզի նեղուցը նավարկության համար. ԻՀՊԿ

Իսլամական հեղափոխության պահապանների կորպուսում (ԻՀՊԿ) հայտարարել են, որ ԱՄՆ-ը չի կարող Հորմուզի նեղուցը բացել նավարկության համար։

«ԱՄՆ-ը հասկանում է՝ Իրանի ենթակառուցվածքների դեմ սպառնալիքների իրականացման դեպքում բախվելու է լուրջ ռազմավարական հարվածների։

Հարվածների թիրախում կարող են հայտնվել ամերիկյան էներգետիկ հանգույցներն ու տարածաշրջանում ԱՄՆ-ի կենսական շահերը»,- հայտարարել է ԻՀՊԿ-ի պաշտոնական ներկայացուցիչ Հոսեյն Մոհեբին՝ ընդգծելով, որ Իրանում, այդ թվում՝ կառավարվող հրթիռների արտադրությունը շարունակվում է՝ չնայած հակառակորդի այն սխալ գնահատականներին, թե Իրանի սպառազինության պաշարները սահմանափակ են։