Ռոբերտ Ամստերդամը ԱՄՆ պաշտոնյաներին է ներկայացրել ՍամվելԿարապետյանի և Հայ Առաքելական Եկեղեցու դեմ տարվող գործողությունները

Ամերկացի փաստաբան Ռոբերտ Ամստերդամը Ֆեյսբուքում իր հայալեզու էջն է բացել և պարբերաբար հրապարակումներ է կատարում Սամվել Կարապետյանի գործի ու եկեղեցու դեմ արշավի մասին։

Միջազգային իրավաբանն իր առաջին հրապարակումն է արել․

«Մենք մի շարք հանդիպումներ ենք ունենում ԱՄՆ ընտրված պաշտոնյաների և Վաշինգտոնում գործող հայկական սփյուռքի ներկայացուցիչների հետ։

Յուրաքանչյուր մայրաքաղաքում, որտեղ էլ կայցելենք, շարունակելու ենք բացահայտել այն զրպարտիչ գործողությունները, որոնք ուղղված են Սամվել Կարապետյանի և Հայ Առաքելական Եկեղեցու դեմ։

• Հայաստանի կառավարությունը բանտարկել է պարոն Կարապետյանին՝ Հայաստանի ամենահարգված գործարարներից մեկին անհեթեթ և քաղաքական դրդապատճառներով առաջադրված մեղադրանքներով։
• Իշխանությունները վարկաբեկում են Հայ Առաքելական Եկեղեցին՝ հարձակվելով հայ ժողովրդի հավատի և ազգային ինքնության հիմնարար սյուների վրա»,- գրել է միջազգային իրավաբանը։