Բաքվում հայ գերիների շինծու դատավարության հաջորդ նիստը տեղի կունենա օգոստոսի 15–ին

Բաքվում կայացել է Արցախի նախկին ռազմաքաղաքական ղեկավարների շինծու դատավարության հերթական նիստը։

Ինչպես հաղորդում են ադրբեջանական լրատվամիջոցները, այսօր հարցաքննվել են հարցաքննվել են «տուժողները»:

Նրանք պատասխանել են Դավիթ Մանուկյանի, Դավիթ Բաբայանի և նրանց փաստաբանների հարցերին։

Հաջորդ նիստը նշանակված Է օգոստոսի 15-ին:

Հիշեցնենք` հունվարի 17-ից Ադրբեջանում ընթանում է Արցախի նախկին ռազմաքաղաքական առաջնորդների գործով «դատավարությունը»: Մեղադրյալների թվում են նախկին նախագահներ Արկադի Ղուկասյանը, Բակո Սահակյանը, Արայիկ Հարությունյանը, պաշտպանության բանակի նախկին հրամանատար Լևոն Մնացականյանը, նախկին արտգործնախարար Դավիթ Բաբայանը և այլք:

Նախկին պետնախարար և բարերար Ռուբեն Վարդանյանի գործը քննվում է առանձին վարույթով: