Դավիթ Ղազինյանին ազատելու գրավոր որոշման մասին այս պահին տեղեկություն չկա

ՀԷՑ-ի գործադիր տնօրենի տեղակալ, իրացման բաժնի տնօրեն Դավիթ Ղազինյանին ազատելու գրավոր որոշման  մասին այս պահին տեղեկություն չկա։ Այս մասին լրագրողներին ասել է ընկերության մամուլի խոսնակ Նատալյա Սարջանյանը։

Ավելի վաղ Civic.am-ը գրել էր, որ ՀԷՑ-ում պետության կողմից նշանակված ժամանակավոր կառավարիչ Ռոմանոս Պետրոսյանի հրամանով Ղազինյանն աշխատանքից ազատվել է։ Պետրոսյանը չէր բացառել, որ աշխատանքից կարող են ազատվել ՀԷՑ-ի թոփ-մենեջմենթի ներկայացուցիչները։ Նա հայտարարել էր, որ «Ղազինյանը ձև չունի» մնալու իր պաշտոնին, քանի որ մեկն է նրանցից, ով ընկերությունն «այս վիճակին է հասցրել»։

Ղազինյանը լրագրողներին ասել էր, որ չի պատրաստվում հրաժարականի դիմում գրել։