Իրանի ԻՀՊԿ-ն օդատիեզերական ուժերի զոհված ևս 7 հրամանատարի անուն է հրապարակել

Իրանի Իսլամական հեղափոխության պահապանների կորպուսը (ԻՀՊԿ) հրապարակել է օդատիեզերական ուժերի յոթ հրամանատարների անունները, որոնք ուրբաթ առավոտյան Թեհրանում զոհվել են իրենց հրամանատար գեներալ Ամիր Ալի Հաջիզադեի հետ միասին, հաղորդում է Mehr-ը։

Մասնավորապես, զոհվել են հրամանատարներ Մահմուդ Բաղերին, Դավուդ Չայչիանը, Մոհամմադ Բաղեր Թահերիփուրը, Մանսուր Սաֆարփուրը, Մասուդ Թայեբը, Խոսրով Հասանին, Ջավադ Ջուրսարան և Մոհամմադ Աղաջաֆարին։

ԻՀՊԿ-ն ցավակցություն է հայտնել հրամանատարների զոհվելու կապակցությամբ՝ հայտարարելով, որ «նրանց անունները կմտնեն պատմության մեջ՝ հայրենիքը պաշտպանելիս իրենց կատարած զոհողությունների համար»։

Հայտարարության մեջ նաև ասվում է, որ «կեղծ սիոնիստական ռեժիմը դատապարտված է ձախողման, և նրան լիակատար ոչնչացում է սպասվում»։

Հիշեցնենք, որ իսրայելական հարձակումների հենց առաջին օրը զոհվել է Իրանի ռազմական ղեկավարության մեծ մասը։