|
Փոխարժեքներ
17 11 2026
|
||
|---|---|---|
| USD | ⚊ | $ 360.44 |
| EUR | ⚊ | € 396.7 |
| RUB | ⚊ | ₽ 4.3693 |
| GBP | ⚊ | £ 475.35 |
| GEL | ⚊ | ₾ 138.95 |
Ուկրաինական գերությունից Ռուսաստան է վերադարձվել 270 ռազմագերի և 120 խաղաղ բնակիչ։ Մոսկվան նաև Կիևին է հանձնել 270 զինվորականի և 120 քաղաքացիական անձի՝ գերիների փոխանակման շրջանակներում: Այս մասին հայտնում է ՌԴ պաշտպանության նախարարությունը։
Ինչպես նշվում է, փոխանակումը տեղի է ունեցել Ստամբուլում կողմերի միջև ձեռք բերած պայմանավորվածությունների շրջանակում։ Առաջիկա օրերին նախատեսվում է շարունակել գերիների լայնածավալ փոխանակումը Ուկրաինայի հետ։
Ներկայումս գերությունից վերադարձած ռուս զինվորականներն ու քաղաքացիական անձինք գտնվում են Բելառուսի տարածքում, որտեղ նրանց անհրաժեշտ հոգեբանական և բժշկական օգնություն է ցուցաբերվում։ Դրանք շուտով կտեղափոխվեն Ռուսաստանի Դաշնություն՝ բուժհաստատություններում բուժման և վերականգնման նպատակով։
Ուկրաինայի նախագահ Վլադիմիր Զելենսկին նույնպես հաստատել է, որ Մոսկվայի և Կիևի միջև գերիների փոխանակման առաջին փուլը տեղի է ունեցել այսօր։ Դրա շրջանակներում Ուկրաինա է վերադարձել 390 մարդ։