Ռուսական զորքերը վերահսկողության տակ են վերցրել Նովոօլենովկան և Մարյինոն

Ռուսական զորքերը վերահսկողության տակ են վերցրել Դոնեցկի Նովոօլենովկա և Սումիի մարզի Մարյինո բնակավայրերը, հայտնում է ՌԴ պաշտպանության նախարարությունը:

«Կենտրոն» զորախմբի ստորաբաժանումների ակտիվ և վճռական գործողությունների արդյունքում ազատագրվել է Դոնեցկի Ժողովրդական Հանրապետության Նովոօլենովկա բնակավայրը», - ասվում է գերատեսչության ամփոփագրում:

Իր հերթին, Սումիի մարզի Մարյինո բնակավայրը վերահսկողության տակ է վերցվել «Հյուսիս» զորախմբի ստորաբաժանումների կողմից։

Հիշեցնենք՝ 2022 թվականի փետրվարի 24-ին սկսվեց Ռուսաստանի և Ուկրաինայի միջև զինված հակամարտություն՝ Ռուսաստանի զինված ուժերի կողմից Ուկրաինայի տարածք ներխուժմամբ։ Մոսկվայի ժամանակով մոտավորապես ժամը 05:30-ին Ռուսաստանի նախագահ Վլադիմիր Պուտինը հայտարարեց Ուկրաինայի «ապառազմականացման և դենացիֆիկացման հատուկ գործողության» մասին, որից րոպեներ անց հրթիռային հարվածներ սկսվեցին Ուկրաինայի տարբեր վայրերում։ Մարտական գործողություններն ընթանում են մինչ օրս։