Լավրովն ու Ռուբիոն քննարկել են ուկրաինական ճգնաժամի կարգավորումը

ՌԴ արտգործնախարար Սերգեյ Լավրովն ու ԱՄՆ պետքարտուղար Մարկո Ռուբիոն զրուցել են հեռախոսով և քննարկել ուկրաինական ճգնաժամի կարգավորումը։ Տեղեկությունը հայտնում է ՌԴ ԱԳՆ մամուլի ծառայությունը։

ԱՄՆ պետքարտուղարը Լավրովին տեղեկացրել է Փարիզում Ուկրաինայի, Ֆրանսիայի և եվրոպական մի շարք այլ երկրների ներկայացուցիչների հետ ունեցած շփումների մասին:

Լավրովը հաստատել է, որ Մոսկվան պատրաստ է շարունակել համատեղ աշխատանքը ամերիկացի գործընկերների հետ՝ ուկրաինական ճգնաժամի արմատական պատճառները հուսալիորեն վերացնելու նպատակով։

Կողմերը պայմանավորվել են օպերատիվ կապ պահպանել, այդ թվում՝ հաջորդ շաբաթ ուկրաինական կողմի հետ ամերիկացիների և եվրոպացիների ծրագրած հանդիպումներից հետո։