Ուկրաինա են վերադարձվել զոհված 909 զինծառայողների մարմինները

Ուկրաինա են վերադարձվել զոհված 909 զինծառայողների մարմինները, հայտնել է Ռազմագերիների հարցերով ուկրաինական համակարգող կենտրոնը։

Զոհված զինվորները կռվել են Կուրախովի, Պոկրովի, Բախմուտի, Ուգլեդարի, Լուգանսկի և Զապորոժիե ուղղություններով։

Ռուսական կողմը դեռ պաշտոնապես չի հայտարարել զոհված զինվորների մարմինների վերադարձի մասին։

«Комсомольская правда» պարբերականի «Воекор»-ի թղթակից Ալեքսանդր Կոցը պնդում է, որ Ռուսաստան են վերադարձվել 43 զոհերի մարմինները։

Նրա տվյալներով՝ նրանցից միայն 35-ն են զինվորականներ։

Մնացած ութը Կուրսկի մարզի խաղաղ բնակիչների մարմիններ են, հայտնել է թղթակիցը։

Նմանատիպ հաղորդագրություն իր թելեգրամյան ալիքում տեղադրել է ВГТРК-ի ռազմական թղթակից Անդրեյ Ռուդենկոն։