Գոռը պետք է Յուրիիս պես հայրենասեր լինի. լույս աշխարհ է եկել անմաhացած Յուրի Գևորգյանի եղբայրը` Գոռը

44 օրյա պատերազմում արիաբար զոհված Յուրի Գևորգյանի կրտսեր եղբայր ունի. ծնվել է փոքրիկ Գոռը։

«Տան մթնոլորտը տխուր էր, իսկ հիմա, որ Գոռը լացում է դրանով էլ ենք ուրախանում։ Պստիկ լույսով պիտի ապրենք», - ասում է մայրը:

Հայրը՝ Սանասար Գեւորգյանն ավելացնում է. «Առաջ մարդ ու կին էինք, գալիս էինք իրար երես էիք նայում, հիմա գալիս ենք, ուզում ենք փոքրիկի հետ խաղալ , փոքրիկին սիրել, երիտասարդ ժամանակ չեմ հասկացել երեխաների մեծանալը, երիտասարդ եմ եղել, 22 տարեկանում հայր եմ դարձել, իսկ հիմա Գոռի համար գժվում եմ»:

Ապրելու նոր իմաստ գտած ծնողները խոստովանում են, որ շատ դժվարությամբ են հանգել կրկին երեխա ունենալու ծանր և պատասխանատու որոշմանը։ Դուստրն է համոզել, իրենք էլ մտածել են , որ այդպես չեն կարողանա շարունակել ապրել ու չեն սխալվել, փոքրիկն իրենց կյանքը շարունակելու ուժ է տվել։