Պարզվել է, որ տեղի ունեցած պայթյունը մահափորձ է եղել ԴԺՀ-ից հայկական գումարտակի հիմնադրի դեմ

Դոնեցկի Ժողովրդական Հանրապետության բռնցքամարտի ֆեդերացիայի նախագահ, «Արբատ» գումարտակի հիմնադիր Արմեն Սարգսյանը մայրաքաղաքի «Алые Паруса» բնակելի համալիրում ինքնաշեն պայթուցիկ սարքի պայթյունից վիրավորվել է։

Բնակելի համալիրում պայթյունը տեղի է ունեցել այն ժամանակ, երբ Սարգսյանը անվտանգության աշխատակիցների ուղեկցությամբ շրջել է սրահով։ Նա ծանր վիճակում հոսպիտալացվել է։

Սարգսյանի դեմ մահափորձը պատվիրված և մանրակրկիտ ծրագրված է եղել, ՏԱՍՍ-ին հայտնել են օպերատիվ ծառայություններից։ Քննիչները պարզում են հանցագործության պատվիրատուների ինքնությունը։

Սարգսյանն ուկրաինական «Миротворец» կայքի տվյալների բազայում է 2015 թվականից։ Նա մեղադրվում է Ուկրաինայի ինքնիշխանությունն ու տարածքային ամբողջականությունը խաթարելու փորձի, ինչպես նաև ռուսական հատուկ գործողությանը մասնակցելու մեջ։ Բացի այդ, կամավորական գումարտակի հիմնադրի վրա, ըստ հրապարակված տեղեկությունների, հետախուզում է հայտարարվել Ուկրաինայում։