Մուհամմեդ ալ-Բաշիրը նշանակվել է Սիրիայի ժամանակավոր կառավարության ղեկավար

Մուհամեդ ալ-Բաշիրը հայտարարել է Սիրիայի անցումային կառավարության ղեկավարի պաշտոնում իր նշանակման մասին։

«Հանդիպումը նվիրված էր տապալված ռեժիմի կառավարությունից Սիրիայի ժամանակավոր կառավարությանը գործերի փոխանցմանը։

Նա կվերահսկի պետական ​​կառավարման խնդիրները անցումային շրջանում, որը կարող է ավարտվել մարտի 1-ին։ 

«Մեզ հանձնարարվել է վարել սիրիական կառավարության գործերը մինչև 2025 թվականի մարտի 1-ը»,- ասել է ալ-Բաշիրը։

Հիշեցնենք՝ նոյեմբերի 27-ին «Ջեբհաթ ան Նուսրա»-ի զինյալները խախտել են հրադադարի մասին համաձայնագիրը և գրոհել Սիրիայի Հալեպ և Իդլիբ Նահանգների վրա: Սիրիական բանակին աջակցում են Ռուսաստանի օդատիեզերական ուժերը՝ հարվածներ հասցնելով ահաբեկիչների տեխնիկային, կառավարման կետերին, պահեստներին և հրետանային դիրքերին։ Նոյեմբերի 30-ին հայտնի դարձավ, որ թուրքամետ արմատական խմբավորումները գիշերվա ընթացքում գրեթե ամբողջությամբ գրավել են Սիրիայի Հալեպ քաղաքը, իսկ Հալեպի գլխավոր հյուպատոսությունն ու Հայկական մարդասիրական առաքելությունը տարհանվել են։ Դեկտեմբերի 5-ի երեկոյան հայտնի դարձավ, որ հակակառավարական ուժերը գրավել են Սիրիայի կենտրոնական Համա քաղաքը, դեկտեմբերի 7-ի երեկոյան՝ Հոմսը, իսկ դեկտեմբերի 8-ի առավոտյան՝ մայրաքաղաք Դամասկոսը: