Հայաստանի և Ադրբեջանի միջև խաղաղության պայմանագիրը կարող է կնքվել հենց Բուդապեշտում. Հունգարիայի արտգործնախարար

Հունգարիան կարող է կարեւոր դեր խաղալ Հարավային Կովկասում, մասնավորապես Հայաստանի և Ադրբեջանի միջև հարաբերությունների կարգավորման հարցում։ Այս մասին, այսօր՝ սեպտեմբերի 10-ին, «երեւանյան երկխոսություն» միջազգային համաժողովի ժամանակ նշեց Հունգարիայի արտաքին գործերի և առևտրի նախարար Պետեր Սիյարտոն:

«Այն, ինչ տեղի է ունենում աշխարհում, իսկապես տագնապալի է և մտահոգիչ․ բոլոր քաղաքական շարժումները մատնացույց են անում նրան, որ աշխարհը կրկին մասնատված է տարբեր բլոկների: Հունգարիան դեմ է այսպիսի աշխարհակարգին և կողմ է Արևելքի և Արևմուտքի միջև համագործակցության համար նպաստավոր պայմաններ ստեղծելուն։

Մեր երկիրը կարող է այդպիսի դեր խաղալ Հարավային Կովկասում, մասնավորապես Հայաստանի և Ադրբեջանի միջև հարաբերությունների կարգավորման հարցում։ Քանի որ մենք կարող ենք խոսել այս հակամարտության երկու կողմերի հետ՝ երկու դեպքում էլ հիմնված փոխադարձ հարգանքի վրա»,- նշեց նա՝ հավելելով, որ խաղաղության պայմանագիրը կարող է կնքվել հենց իրենց մայրաքաղաքում՝ Բուդապեշտում», - ասաց նա: