Ո՞վ է ագրարայինի պրոռեկտորը, որի մասին խոսել է բուհի դասախոսը

Ագրարային համալսարանի դասախոս Գվիդոն Մատինյանը խոսել է ագրարային համալսարանի ներկայիս աղետալի վիճակի մասին։

Ի թիվս բազմաթիվ խնդիրների Մատինյանը նշել է, որ համալսարանի նախկին ռեկտոր Վարդան Ուռուտյանը ստեղծել էր պրոռեկտորի նոր հաստիք` արտաքին կապերի և ուսումնական ծրագրերի զարգացման գծով ու այդ հաստիքում նշանակել դասախոսներից մի երիտասարդ փիլիսոփա, գիտական կոչում չունեցող։

Հետո պարզվել է, որ նշանակումն իրականացվել է հատուկ հանձնարարականով, պրոռեկտորը զբաղված է եղել ուսումնական պլաններում մասնագիտական առարկաները կրճատելով` բուհը հասցնելով ֆեզեի մակարդակի։ Yerkir.am-ին հաջողվեց պարզել, որ խոսքը պրոռեկտոր Մարիամ Մովսիսյանի մասին է, ում մասին համալսարանում խոսում են, որ տարվա աշխատանքային օրերի մեծ մասն անցկացնում է արտասահմանյան գործուղումների մեկնելով։

Ի դեպ Մովսիսյանի տուրերը նաև շարունակվում են ռեկտորի ներկայիս պարտականությունները կատարող Հրաչյա Զաքոյանի օրոք։